Çikçik tor*

Çik çik tor    çik çik tor

Tirên hate    dor bi dor

Tev rûnên    tev şabin

Ala me her-  dem li jor.

          ***

Çik çik tor    çik çik tor

Cîgir damin   gulek sor

Kêfxweş bûn  dilgeşbûm

Dilêm bûye   bê derdor.

          ***

Çik çik tor    çik çik tor

Ewle heye     bê sînor

Rawestgeh   maye li jor

Vexê vexê     bîjiktor.

          ***    

Çik çik tor    çik çik tor

Çi dîmenên    bi bandor

Yela .. yela     ey şofêr

Ça bilinde     hilkiş jor.

            ***

Yela .. yela     ey şofêr

Ça bilinde      hilkiş jor. 

….............

*Çikçik tor: şemendefer, tirên.

Pakbûna jîngehê

Pak û xawênî jîngeh

Bo jiyanê bû bingeh

Pir giring û pêwîste

Ji bo me tenduriste

Bi yek bangê em rabin

Welatê xwe avakin

Ev jîngeh warê meye

Zend û benda libakin

Gul û daran biçînin

Jîna şêlîn hilînin

Keş û seqa pakbikin

Bihna gula geşbikin

Bo pêşerojeke xweş

Jîngehê ava bikin.

Rojbûna te

Rojbûna te pîroz be

Geşbînî û newroz be.

îro cejn û ahenge

Tev şadî û vedenge.

Şerbet û kêk û mêwe

Dil şad dikin bi şêwe.

Rojbûna te bi çêj be

Bi temenkî dirêj be.

Îro çepk û şahiye

Gul bo te diyariye.

Hey hevalê birasoz

Her tê bimîne dilsoz.

Rojbûna te pîroz be

Noşîcan û bi doz be.